字 缩小字型大小。
字 重设字型大小。
字 放大字型大小。
唔知由几时开始，逢星期二晚嘅大埔运动场都会有百九几二百人跑步，十有八九着住「大埔民间体育会」嘅跑衫，曾以为佢哋逢星期二包场玩晒，闲人免进 !
「大埔民间体育会」最初由电视主播柳俊江及艺人保锜所创立，前者仙游后，曾一度迷失方向嘅保锜幸得一众Core Member支持，终决定继续下去，由最初只以大王爷庙为起点嘅街跑活动开始，剧情瞬间发展至当下逢周二大埔运动场万人空巷式嘅跑步盛况，诚意打动好明星效应也好，一个非教班式嘅地区性自发跑会能有如此叫座力，唯佢独专，暂时 !
虽然系免费兼非教班式跑会，但其系统性及架构却仔细得令人心服口服。Elite 组、五分披组、六分披组、七分披组，甚至开开心心Fun Run组，全部有专属 core member 带住跑。嫌仓鼠跑枯燥又乏味 ? 仲有街跑组你拣，一样有pacer，死未 ?! 渔翁撒网式嘅全方位细心安排，任君选择。任何取向嘅跑友，总会搵到你所需，重中之重系，无人会迫力跑咩组，一句讲晒 – 根本无人care 你快定慢，咁大阵仗咁大棚人，重点得一个 - 「跑吓啦」，一班人系咪真系会跑远啲 ? 唔知，但肯定会开心啲好玩啲。
View this post on Instagram
----- 广告 Ad -----
唔少人对艺人跑步都带有偏见，跑几k / post 相 / 感性嘅抒发……呃like擦流量搏曝光。
对，写「大埔民间体育会」避不了要谈及保锜。诚然，佢幕前嘅种种以至佢所属嘅男团，抱歉，不大留意亦不感兴趣，为何被戏谑为跑步小丑，没有深究。今时今日嘅网上世界，要包装一个人或踩低一个人太易，易到真伪不再系重点，花生放题才是正道。亲身接触过嘅保锜，竟不是萤幕上所认知嘅口没遮拦；亦没那种廉价MK味，眼见为实嘅系，因为佢 (好大程度上系因为佢，我认为) 每个周二晚总有接近二百跑友风雨不改开怀地跑，而且发展至今已不只是大埔民间专属，更有垮区跑友到嚟参与，单凭呢份号召力及亲和力，保锜无功都有劳卦 ?! 况且，相信只有跑友会明兼一眼睇得穿 – 扮跑扮锺意跑其实唔顶得几耐，好快露饀兼消失，然而保锜今天仍在跑。
又或者咁讲，假设嗰百九几二百跑友全属盲撑忠粉，而因为呢份盲撑又伸延至逢星期二晚到大埔运动场仓鼠跑，爱屋及乌，盲撑保锜进化成爱上跑步，真正嘅全民运动亦因此再向前迈出一小步。于推广跑步呢一范畴上，保锜怎也算立过点汗马功劳吧。
