字 缩小字型大小。
字 重设字型大小。
字 放大字型大小。
呢一两年除咗开到荼蘼嘅 social run 外，早几年其实我哋仲有社区跑，用双脚游走港九新界大小社区，借此认识你我他所身处嘅城市，有意思。
2021年，两位年青高阶跑手黄伟雄 (伟雄) 及翁梓进 (大通)，有感疫情后大家忽然爱上跑山，且打正旗号以跑山为主嘅跑班唔多，毅然创立以越野跑为主轴嘅「DUO」跑会至今。
跑班训练，离不开刻苦单调坚持热血顶L住，明吖，预咗，但苦中作乐还是需要的，况且，相信跑步对大部份人嚟讲只属工余活动，犯不着比返工更恶啃。所以唔少跑班会为学员加插较趣味性嘅「课外活动」。
拍摄当晚碰巧「DUO」策划咗一场荃湾社区跑，伟雄与大通嘅事前筹备工夫绝不比运动场冲圈 program 逊色，跑步以外更要动动脑筋于大街小巷寻找坐标及玩游戏。明显地，社区跑多了一份贴地嘅情怀，参加者们嘅联繫以外，再跟各社区连结，难得两位教练于正式操练以外花心思为学员带嚟愉快嘅 Happy Friday，感觉就如回到孩提时代一班死仔通街跑，诚然，跑步不单将人亦将社区及生活连繫起嚟，伟雄与大通做到了。
----- 广告 Ad -----
好多谢「DUO」跑会嘅邀请，好感恩自己出席呢晚嘅社区跑，于此寻回因长时间刻苦操练而失去已久嘅笑声与放鬆，盲目嘅向前冲，一味嘅热血有时反会令人脱轨甚至迷失……
想讲嘅系，加入跑会除咗求快求速度求成绩，仲有无其它?
每次练到头昏脑胀频临往生之际都会问自己 ~ 到底为咩而跑步？到底跑步嘅初心系咩呢 ? 到底有无纯粹嘅跑 ?
----- 广告 Ad -----
最近读到有关日本跑手大迫杰嘅访问，强如呢位国际知名职业跑手，竟也会陷入「唔知跑步为乜」嘅苦恼中，失去方向与动力，最终放弃参加今届东马。但另一方面却开拓意想不到嘅新方向 ~ 建立啤酒品牌、加入金融管理公司，跟跑步完全风马牛，到底系鸟倦知还大彻大悟，还是征战连场初心偏离航道 ?
有时人太攰，暂时放低做吓其它嘢，无可厚非…..
