字 缩小字型大小。
字 重设字型大小。
字 放大字型大小。
拍过咁多跑会，被问得最多嘅一定系边个跑会最好。
但点先为之一个好嘅跑会 ? 令你跑快啲 ? program 够啃 ? 教练有料到 ? 相信每个人心中都有一把尺。
「Altra Run Club」主教练 Jason 片中多次强调，嚟到呢度并唔需要将自己推至最尽，亦无需要辛苦，只希望每位学员能毫无压力且舒服地享受每星期一次嘅训练。
训练可以唔辛苦 ? 有啲咁嘅事 ?
Jason 教练个子并不高大，皮肤黝黑，典型 elite 跑手身型，即系得棚骨嗰只，但话说语调坚定两眼有火，从佢口中所讲嘅一字一句感觉都经过深思熟虑，坚定不移。好喜欢片中佢所讲嘅呢返说话 ~「我唔系要每个嚟到嘅人辛苦，单系辛苦是没意思的，重点系每个人因应自己嘅能力去发挥自己。」意思接近量力而为，但又不只于此，有啲嘢…..
----- 广告 Ad -----
有趣嘅系，「Altra Run Club」嘅学员并无因此而乘机 hea 跑轻鬆跑，反而更认真更落力去完成当日嘅功课，而且都系面带笑容乐在其中的，每次均跑到面容扭曲嘅我不得不修正一下表情管理，尤其呢度唔主张过于辛苦嘅训练。
更令人反思嘅系，作为跑会教练除咗教导有方，自己有料外还需具备啲咩呢 ?
Jason 教练提到，而以往较少从其它教练口中所听到嘅「同理心」，「Altra Run Club」是有点不一样。优秀嘅学生固然耀眼，稍逊嘅学员似乎更应获得关注。坦承性格内俭嘅 Jason 教练为此而作出改变，先打开自己再借此了解学生帮助学生。勇于承认自身不足，修正自我再推己及人，如此自省嘅一位教练，难怪每位学员都笑住嚟笑住跑笑住走。
话说自己花了超过一年时间苦练 sub 3，甚么 interval、tempo、LSD，甚至通勤跑收工跑，从不揸流滩不间断，如此这般，点会唔辛苦，但最终还是只差一点点，点可能没一点失落 ? 到底系唔够辛苦还是辛苦过头 ?
Altra 跑鞋向以 zero drop 为卖点，鞋头鞋踭近乎零嘅落差，以提供跑手们更能全面感触路面，反之，人生又点会全无起跌 zero drop ?! 感谢 Jason 教练嘅一席话，明白到重点系学懂如何面对自己，找出真正属于自己嘅路，纵使落差再大也能坦然面对，sub 3 只是一个时间甚或跑手们某一阶段嘅中期业绩报告，比起生命中所要学要追求嘅，2’59’59” 算系啲咩 ?!
----- 广告 Ad -----