车路士作客丹麦，以 2:1 击败哥本哈根，喺欧协联 16 强首回合攞到领先优势。不过比赛过程就远远唔似赛果咁顺利，唔好讲笑，睇完半场我的反应真系咁： 图片来源：i.ibb.co。 车仔虽然主导控球，但进攻组织完全唔合格，成个半场得两次起脚，连一次射正都无，xG 低到得返 0.06，唔好话入波，真系埋门都买少见少。直到下半场马蛇眼见唔对路，即刻换入 安素 (Enzo Fernández) 同 安宫古 (Christopher Nkunku)，球队总算搵返啲节奏。开波唔够 56 秒，占士 (Reece James) 离门 25 码远射，终于打破僵局。之后去到 65 分钟，泰基·佐治 (Tyrique George) 横传，安素冷静抽射破网，扩大比数 2:0。然后当然唔少得车迷最熟悉的剧本 —— 79 分钟，哥本哈根自由球送入禁区，佩雷拉 (Gabriel Pereira) 系高维尔漏顶之下轻鬆顶入，令蓝军临完场前陷入危机，对手亦愈踢愈勇，连续几波攻势施压，好彩最后防线无再崩溃，惊险守住战局。 赛后点评：1) 创意十足的首发阵容 —— 表面上系4-2-3-1，但实际上佢安排左古斯度系左路后上，踢落更加似系3-2-4-1的攻击阵。由KDH系左路同中路之间游走、加埋兼任防中的占士后上同自由人彭马。谂系好完美架，但执行上就完全系另一回事。2) 令人叹息的上半场 —— 本来的目的就系想透过全面控制中场俾前线有更多进攻的机会，所以先会要卡些度、占士、彭马同KDH四个人组成相当密集的第一扫蕩区，只要对手抢回控球尝试组织，就要面对车路士劲多球员的围攻，系呢件事的确系好成功，单系上半场车路士就掌控左66%的球权。但系当车路士要转守为攻，成事就错到九彩。彭马堕后拎波，但本身速度唔快，变相进攻需要的距离太长同自阉完全无分别。本应代替安素系左路做发电机的KDH，唔止传球无穿透力，甚至系转边定系推进都做唔到，直接拖慢左车路士的进攻节奏。结果就令车路士同哥本哈根不停系中场互交，完全无入肉的攻势。 最前的两位小将，系上半场缺乏供应下亦完全无发挥的空间，可怜的Mheuka被换走之前只系得9次触球。3) 空有控球但攻势欠奉 —— 话改变，其实只系还原基本步。因为古斯度的伤出，换入古古尼亚，半场换入安素、安宫古，无错，又系变返做熟识的英超4-2-3-1踢法：安素拍占士(平日系卡些度)，前面就KDH，安宫古加佐治。不过依然改变唔到要彭马收后带黎的战术缺憾。而最可恶的系，换人之后，车路士都只系由零变成0.5，两个入波都单纯系来自个人能力同对手的犯错，而唔系战术组织带来的成果。包括第一球系占士远射，同第二球系边线硬抢之后反击得手。纵观整场比赛，马蛇要求球员有更大比例的控球，但系球员无球跑动少之余亦未见到有任何能力打破密集防守，明显系马蛇控球控到走火入魔。 4) 防守又有漏洞，熟口熟面的问题 —— 每次入完波，车路士就会进入等失波的时间，只差在主角系边个。今场就系高维尔起跳判断失误，波皮都批唔到，漏左俾身后的佩雷拉。但唔止呢一球，甚至系较早之前就已经有Claesson系我地右路突入禁区起脚，唔系佢拎太尽的话就已经追和。个别表现：列斯占士：队长真系慢慢搵返比赛状态，但系仍然唔够。⭕️ 入球：1⭕️ 射门数：1 (1)⭕️ 预计入球 (xG)：0.02⭕️ 传入进攻三区：11⭕️ 地面对抗： 4 (3)⭕️ 夺回球权：2 今场有别于之前，直头系叫占士担任防中，后半换入安素之后，占士甚至变成卡些度的代替者，俾空间安素从后推上。但系呢种配置方式，就要犠牲左占士系边线突破的力量同速度。而且今场占士亦只系得一次射门，预计入球都低到只有0.02 (姐系话大约咁样射100球只有2球入到)，入到真系好彩…之后的英超比赛可唔可以依靠占士踢防中呢？单凭呢场比赛的表现同对手的级数，暂时就觉得未可以，但系喺古斯度受伤的呢个当下，放占士做逆右闸的话，可能会有意想不到的效果都唔定。霍尔 (Kiernan Dewsbury-Hall)：有无有识之士可以话我知其实佢踢紧乜？❌ 射门数：0 (0) ❌ 射门机会创造：1❌ 尝试过人：3 (2)❌ 长传：1 (0)❌ 失去球权：11❌ 铲断：1 (1)⭕️ 地面对抗：6 (3)上文讲过的野就唔重覆啦，如果KDH的定位只系安素、菲历斯的后备，咁我无话可说。但今场的各项数据绝望到我根本睇唔到佢的存在意义，仲要对手只系哥本哈根…唔系我轻视哥本哈根的实力，不过踢到新饮水哥咁款，好难说服人继续俾机会你。阿达拉比奥尤：连埋呢场的表现，我系真心认为你值得有更多上场的机会。⭕️ 拦截：1 ⭕️ 清波：6⭕️ 高中争顶：3 (2)⭕️ 地面对抗：1 (1)⭕️ 夺回球权：4⭕️ 传球：136 (131) (96%)⭕️ 长传：3 (3)有趣的系，今场阿达拉比奥尤踢到有少少似系防中咁，如果你睇返佢的Heatmap的话，就会见到佢Cover左好大量的中后场范围。由中圈开始的防守，到禁区内第一点的拦截，到夺回球权后的传波，阿达拉比奥尤做足晒佢的工作，亦同时提供到车路士阵中少有的高空能力。亦因为有佢的遮线，多少限制左哥本哈根系车路士右路的进攻。最重要的部份，系频繁的后场清波，当对手推入禁区，身形高大的阿达拉比奥尤夺回球权同即刻清波，直接减少左哥本哈根起脚的机会，亦因为咁对手的攻击方式只能依赖死球同长传。 总结：赢波，但几多球迷真系开心？ 车仔今场表现远远未够说服力，KDH 再次成为批评焦点，球队死球防守又出事，高维尔再次被质疑，连埋马蛇的战术都备受争议。次回合虽然有主场优势，但如果唔改善问题，晋级绝对未必稳阵。========================================Facebook Page已经开咗啦！如果锺意我的文章可以入黎按个赞！⭕️ 车迷狗up天地 ❌ https://www.facebook.com/profile.php?id=61566593983419