红魔鬼赛后评 英超 曼联 1-1 阿仙奴 (9-3-2025) 图片来源：manchestereveningnews.co.uk 1. 喺伤兵满营下，后备席有7成坐既都系青年军，正选仲要两老卡斯米路同埋艾历臣一齐出场，我哋近况又唔算好，如果开波之前睇到呢个赛果，我应该会好满意。2. 但实际上睇完场波，又真系有少少意难平，毕竟讲有威胁机会，曼联今日真系多好多。当然，如果以控球同场上形势黎讲，都系阿仙奴好好多，不过讲到攻门威胁程度，我哋先系佔优果一方。3. 唔系话阿仙奴冇攻门，但系大多数佢哋都有啲隔靴搔痒咁，又或者系自己直射出界。系，佢哋系追返一球，但佢哋入果球严格黎讲又系我哋失误，呢球就系上季曼联典型失波，比人后上cut back，Rice喺冇人看管之下射入追成平手。 4. 个问题唔系人数唔够，而系企错位，睇慢镜第一个要闹既系防中卡斯米路收得太入，喺无人地带眼神防守，另外般奴(收咗入去包抄)同大力臣(平排睇波)其实都有机会补位。5. 讲返攻门威胁，反而今场曼联喺攻门上面处理得唔错，至少真系中咗个龙门先，系要龙门飞扑，事实上如果Raya下半场唔系上咗身，救走咗起码两、三个必入球，曼联应该系全取三分果队。6. 纯粹讲今场，两队既龙门就有对比，唔系话Onana今日差，但系佢救到果啲波系应该要救到(但佢发波瘟果期系会失)，Raya今日救果啲就真系好神勇。机会，其实已经比咗Onana好多，我曾经以为佢喺上季季中大爆发之后，会一路都keep到落去，结果坦克落镬之后，佢就又dup过。讲坚，要做曼联既龙门，啲波咁海鲜系唔得架。事实上，我估如果唔系巴恩迪亚伤咗咁耐，阿莫林应该会比机会后者。只可以讲伤得唔合时，真系时也命也。 7. 加拿祖今日少咗浪射，传多咗波，效果反而唔错，踢得好生，但最后临完一急，又禁区顶见唔到队友空晒，鸠射打晒飞机龙都唔中。8. 贺隆后备出场，威胁好似大过正选，但系两次机会都把握唔到，一次对手失误但起脚太慢比Rice成功刬走咗个波，另一球就靓入摄但比加比尔快半秒督走个波，我会继续比佢唔合格。9. 约罗伤出，天堂仔临危受命，但佢今场踢得几好喎，系有下弹波子弹中咗手，不过整体黎讲真系好唔错，可以即食。不过，希望约罗既伤冇乜大碍…佢上半场好早就疑似伤咗…10. 入波都系要靠般奴，球罚球靓到癫…曼联Page︰ https://www.facebook.com/manutddailyinfo/ 更多专栏内容︰ https://www.leafopenleafopen.com/unprofessional9up更多小说内容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio广告时间 - ig: leafopen3instagram.com/leafopen3fb: leafopenleafopenfacebook.com/leafopenleafopen 如果有兴趣睇下我既其他写作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B如果觉得我写嘢OK想请我饮杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938