拉爵点名批评曼联球员overpaid 阿莫林拆弹回应 (红魔日报 13-3-2025) 图片来源：manchestereveningnews.co.uk 1. 就咁既，之前曼联新老细拉杰夫爵士接受BBC访问时直线点名五位球员，暗示佢哋唔够班，或者系overpaid，件事就梗系引起轩然大波喇，好多媒体都用呢段仔黎大做文章。2. 好老实，你问我既话，我觉得SJR系讲得冇错，而且事实系唔止呢5位球员，而系全队都系overpaid，半队唔够班，但个问题系，你唔可以喺公开访问入面大大声咁讲架嘛，好影响士气，今晚仲要踢皇苏欧霸次回，曼联既球员，好老实部份我感觉上系冇乜职业道德（虽然清洗紧），一阵今晚hea踢出局，下季真系冇欧战踢，你炒多100个人都填唔返条数。3. 被SJR点名既系卡斯米路、奥拿拿、贺伦、安东尼同辛祖，当然SJR冇直接屌佢哋废，但听者一定有意。 4. 卡斯米路同安东尼系2022年夏天加盟曼联，卡斯米路由皇马转会过嚟，转会费高达6,000万镑，加埋附加条款可以升到7,000万镑，佢人工仲超过每星期30万镑，系队内最高薪之一。安东尼当年由阿积士加盟，转会费最高可以去到8,630万镑，1亿欧元，人工有人话20万镑周薪，都有人话12万，但佢喺阿积士，先系2万…5. 至于奥拿拿同贺龙就喺2023年加盟，转会费分别系4,720万镑同最高可达7,200万镑，而辛祖早喺2021年已经用7,290万镑由多蒙特加盟。6. 你问我，其实除咗辛祖真系一路都踢唔出水準之外，其他几个都分别喺曼联生涯唔同阶段，有过好既表现(系啊，奥拿拿上季中到今季坦克走之前好fit，而贺龙系上季曼联所有赛事既头号射手，卡斯米路第一季一夫当关万夫莫敌，而安东尼几次对利物浦、巴赛既关键入波，系球队晋级欧霸、拎足总盃既功臣)，但系近况都奇差，系overpaid，但又唔系一无是处既。 7. 阿莫林作为曼联领队就一定会喺赛前记者会比人问架喇，佢点答？8. 「老实讲，依家无论系我定球员都唔系表现得最好，我哋一定要改变，我自己都系其中一个要改善嘅人。」「卡斯米路呢啲级数嘅球员，攞过咁多锦标，我哋都知佢应该可以踢得好好多。所以，重点系要改变大家对我哋嘅睇法，唔止拉杰夫，而系所有人。」「我嚟到呢间球会，外界都质疑我够唔够班，但如果系顶级球员，系应该用场上成绩去证明自己。」9. 都make sense既，好彩佢唔系坦克，如果唔系一定又变咗「光头记者会又赢」、「坦克记者会先拔头筹」… 10. 另外，虽然曼联今季英超排名跌到第14位，可能会创1974年降班后最差联赛成绩，但拉杰夫仲系对阿莫林赞不绝口，话佢「做得非常好」。佢甚至半开玩笑话：「我话佢边度做得唔好，佢就叫我死撚开啦。」11. 回应呢part既时候，阿莫林就话自己同拉杰夫关系一直都好好：「我哋一直都系好直接、好坦白，我觉得佢都几有个性，我哋都几相似。」佢又话：「由第一日开始，我都感受到佢同董事会对我嘅支持。」12. 至于拉杰夫嗰番言论有冇影响到球员？阿莫林就话：「冇，完全冇人同我投诉，我今日仲觉得训练气氛几好。」13. 讲就咁讲，希望系真架喇…今晚场波好快就知有冇影响喇… #不专业足球笔记 #足球专栏 #我爱红魔鬼 #红魔日报 #曼联每日情报站 曼联 #ManchesterUnited 曼联Page︰ https://www.facebook.com/manutddailyinfo/更多专栏内容︰ https://www.leafopenleafopen.com/unprofessional9up更多小说内容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio如果觉得我写嘢OK想请我饮杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938