红魔鬼赛后评 欧霸 曼联 4-1 皇家苏斯达 (13-3-2025) 图片来源：manchestereveningnews.co.uk 1. 喺伤兵满营情况下，后备席大部份系青年军、18岁嘅天堂仔都要打正选既情形下，呢队曼联反而打出近期代表作。2. 系，我知呢场波系有三球十二码，而且三球都吹得有啲严，但系佢难得系尺度一致，三球都系soft penalty，佢三球都有比，而且比黄牌尺度都一样系咁一致，头两球大家都食咗张牌。正如我喺page度睇紧波同大家吹紧水既时候，我都咁讲︰HT- 我哋输果球十二码，我觉得系两面系同一时间出脚，互相踢落去对方只脚度，唔系话唔吹得，但系比较soft啰。- 不过正想我屌球证之际，佢转头又即刻比返个soft penalty我哋，咁至少佢standard系一致既 FT-我系觉得今日三个十二码都系过严既，三个都系soft penalty，勉强我哋追平1比1果球系近犯规啲- 不过，你话有冇乜争议，如果三个入面有啲比有啲唔比，咁就系有争议，但三球都比，咁就尺度一致3. 系啊，我真系觉得3球都唔应该吹，但系当我谂返我哋被吹罚第一球十二码，皇苏啲球迷劲开心庆祝，佢哋会唔会估到咁快他朝君体也相同呢？4. 讲转捩点，反而系皇苏打少个，但呢个红牌我谂冇争议喇，当时被逐既Aramburu系last man，多古后发先至，过咗你就单刀，正常都九成系红牌，仲要遇着今日呢个球证对身体接触咁手紧，咁张红牌一定走唔甩。5. 正如第一段所讲，曼联系deserves to win，毕竟两回合计，皇苏真系明显好过曼联既，其实得首回合最后15分钟，而且佢哋既入波，全部都系有争议性既十二码。话说回来，冇记错既，皇苏对住我哋对上四场(包括前季欧霸)所有三个入波都系十二码黎，而且三球都系有争议，都系啲缩埋打到手或者劲近距离手球之类。 6. 好多球员都有出色表现，多古、加拿祖好活跃，上半场两个有少少英雄主义，明明队友位置，佢哋死都要起脚，但系下半场佢哋两个收俭咗好多，专心突破、传送，而且两个人都真系一唔驶佢哋射波就踢得好好，两个都系下半场唔独食（尤其加拿祖）比多咗波威胁即刻大好多7. 贺龙今场依旧冇入波，但系表现有所改善，多次用身位、速度压赢对手，搏到球十二码之余仲有球助攻，希望逐步打起返信心。8. 另外，舒克斯虽然尾段连环失机，我唔好计果两球，佢场上作用越黎越明显。9. 贺龙同舒克斯两个人加埋既机会，如果把握到一半，其实都唔止4比1了，所以呢场波虽然大胜，但其实仲有好多位要执，把握力就系其中一样。 10. 天堂仔希云系第一次正选，表现合格有突喇，系上半场啲传波牙烟咗啲，但整体黎讲系good job！1m真系good deal啊。11. 般奴帽子戏法，唔计果两球十二码，第三球走位同射术都真系有级数！另外，比sir Jim点名批评既卡斯米路今场都有极好既表现，攻守都非常出色。12. 未来仲有漫漫长路要行，明白将来都一定会有失望既时候，只系希望成队波可以越踢越好，新旧球员都更加快融入到343体系入面，至少每场都show出你哋既斗心，球迷系有眼睇架。曼联Page︰ https://www.facebook.com/manutddailyinfo/更多专栏内容︰ https://www.leafopenleafopen.com/unprofessional9up更多小说内容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio 广告时间 - ig: leafopen3instagram.com/leafopen3fb: leafopenleafopenfacebook.com/leafopenleafopen 如果有兴趣睇下我既其他写作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B如果觉得我写嘢OK想请我饮杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938